میرے بابا کی چوکھٹ سلامت رہے

میرے بابا کی چوکھٹ سلامت رہے

ان پر قربان حسن عقیدت رہے

ہم فقیروں کی سرکار کو لاج ہے

تا قیامت یہ جاری سخاوت رہے

بھیک دو یا نہ دو یہ خوشی آپ کی

بات اتنی ہے منگتوں کی عزت رہے

مستیوں میں رہے ڈوبی ہستی میری

کیف میں ڈوبا جذبۂ نسبت رہے

جس کی چوکھٹ پر قربان ہیں دو جہاں

وہ سلامت ترا باب جنت رہے

درود دل میں رہے نام لب پر رہے

بس یہ دولت تمہاری بدولت رہے

یہ امیرؔ آج چوکھٹ پہ دیتا صدا

دل کی دل میں تڑپتی نہ حسرت رہے