کرتا ہے وصفِ شاہ جو شام و سحر دماغ

کرتا ہے وصفِ شاہ جو شام و سحر دماغ

نظروں میں اہلِ دل کی وہ ہے معتبر دماغ

تو غم نہ کر! وہ حامی ہیں، فرمائیں گے کرم

حالات سے ہیں میرے نبی باخبر، دماغ

دنیا کی فکر چھوڑ دے کر فکرِ آخرت

اس کے سوا ٹھکانہ ترا ہے کدھر دماغ

جن کی ثنا نے فکر کو پرواز بخش دی

ان پر نثار جان و جگر سر، نظر، دماغ

عشقِ نبی کے نور سے، مدحت کے عطر سے

ہر دل چمک رہا ہے معطر ہے ہر دماغ

پہلے بسا لے عشقِ رسالت خیال میں

پھر کر مدینے پاک کا تو بھی سفر دماغ

اس میں خیالِ غیر نہ آ پائے ایک پل

محوِ ثنا نظامیؔ! رہے اس قدر دماغ