اللہ اللہ عظمت_شان_و_وقار_فاطمہ

اللہ اللہ عظمت شان و وقار فاطمہ

سب کی سب حوران جنت ہیں نثار فاطمہ

سیدہ کا ناز پرور ہے خدائے دو جہاں

حضرت جبریل ہیں خدمت گزار فاطمہ

نور عین مصطفیٰ مولیٰ علی کے دل کا چین

ہیں شہید کربلا جان قرار فاطمہ

بچھ گئی اک غم کی صف سارے جہاں میں ہر طرف

لٹ رہا ہے دشت میں باغ بہار فاطمہ

کس طرح دیکھا یہ منظر تو نے ارض کربلا

خون آلودہ ہوا جب لالہ زار فاطمہ

گلشن ربانیہ کے گل بہکتے ہیں یہاں

موجزن ہے ان کی نیت میں بہار فاطمہ

کوئی بھی وہ کام نہ کرتیں عبادت کے بغیر

تھا عبادت آشنا ارشدؔ شعار فاطمہ