ریگزارِ رنج کو اعلیٰ و عمدہ کر دیا

ریگزارِ رنج کو اعلیٰ و عمدہ کر دیا

کربلا کو ایک سجدے نے معلیٰ کر دیا

اے علی اصغر چلائی تم نے بھی کیا ذوالفقار

حرملہ بدبخت کا کیسا صفایا کر دیا

تا ابد قائم رہے گی یہ یزیدی سلطنت

شہ نے پل بھر میں ہی اس جملے کو الٹا کر دیا

بیٹیاں ہیں آبرو، اسلام کی اس بات کو

زینبِ دلگیر نے کربل میں پختہ کر دیا

یہ مرا جملہ نہیں قرآن کی تفسیر ہے

زندہ ہے وہ لوگ جن کو رب نے زندہ کر دیا

نام سن کر رب تجھے محشر میں بخشے گا اسدؔ

کربلائی نام رکھ کر تو نے اچھا کر دیا