جلوۂ حق جو بھر نظر دیکھا

جلوۂ حق جو بھر نظر دیکھا

عین در صورتِ قمر دیکھا

مرتبہ فقر و شانِ شاہی میں

ایسا کوئی نہیں بشر دیکھا

ان کے در کی کیے گدائی جو

بخشتے ان کو سیم و زر دیکھا

جس کے اوپر پڑی نگاہِ فیض

اس کو مدہوش و بے خبر دیکھا

فرحت افزا نہ ہوئے کیوں کر دل

آپ کو جب بچشمِ تر دیکھا

ان میں برکات کی ہوں پاتا بو

باعثِ عشق یہ اثر دیکھا

منعمی اپنے تئیں ہیں کہتے لوگ

ان سا منعم نہ کوئی بشر دیکھا

وہ نہ آئیں گے میری جائے تن

اس کو ہر بار غور کر دیکھا

جب سے دیکھا ہے آپ کو فانیؔ

غیر کو پھر نہ آنکھ بھر دیکھا