شاعر_محبوب_داور حضرت_انصار ہیں

شاعر محبوب داور حضرت انصار ہیں

چاند کی طرح منور حضرت انصار ہیں

حضرت سید مشرف کی ملی سجادگی

بخت ایسے سکندر حضرت انصار ہیں

مصطفیٰ کی آل پر سو جان سے قربان ہیں

عاشق شبیر و شبر حضرت انصار ہیں

شاعری میں ان کا ہمسر اور ممثل کون ہے

با لیقیں یکتا سخنور حضرت انصار ہیں

زود گوئی آپ کی پہچان بھی ہے شان بھی

میر و غالب کی ڈگر پر حضرت انصار ہیں

صورت و سیرت میں بھی ہیں بے نظیر و بے مثال

کربلا والوں کے دلبر حضرت انصار ہیں

ہر مرید با صفا کے لب پہ ہے بس یہ صدا

میرے مرشد میرے رہبر حضرت انصار ہیں

آپ کے دولت کدے سے سب نے پائی ہے مراد

بانٹنے والے تونگر حضرت انصار ہیں

یہ عزیزالدین خاکے کہہ رہا ہے برملا

مرد حق مرد قلندر حضرت انصار ہیں