عیاں ہیں کہ یا رب نہاں ہیں محمدؐ
عیاں ہیں کہ یا رب نہاں ہیں محمدؐ
یہ حق ہیں یا حق کا نشاں ہیں محمدؐ
ابھی صدق دل سے میں ایمان لاؤں
ہمیں بھی بتا دو کہاں ہیں محمدؐ
تہ دل سے تن من نچھاور کروں گا
کوئی اتنا کہہ دے وہاں ہیں محمدؐ
کسی بے نشاں کا نشاں لے کر آئے
کہ اک بے نشاں کا نشاں ہیں محمدؐ
دل و نفس جاں روح سب چھان ڈالا
کہاں پر خدا ہے کہاں ہیں محمدؐ
کہاں ان کا سایہ کہاں ان کا ثانی
سمجھ لو یہ نکتہ یہاں ہیں محمدؐ
ذرا ان کی شان حقیقت تو دیکھو
مکیں ہر بشر ہے مکاں ہیں محمدؐ
ذرا پوچھو رضواںؔ سے سب کچھ کہیں گے
وہیں پر ہیں رضواںؔ جہاں ہیں محمدؐ
- کتاب : الکبیر (Pg. 2)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
