مدینے کی جس وقت سے آرزو ہے

مدینے کی جس وقت سے آرزو ہے

مرا حال یہ ہے کہ دل قبلہ رو ہے

ازل سے ابھی تک تو یکساں ہے عالم

یہی آرزو تھی یہی آرزو ہے

چلو چل کے یثرب میں قسمت بنائیں

یہی ذکر ہر سمت ہے کو بکو ہے

مدینہ نہ دیکھا تو کچھ بھی نہ دیکھا

جدھر دیکھیے بس یہی گفتگو ہے

ادائے نمازِ محبت تو کر لے

تمنا بڑی دیر سے قبلہ رو ہے

اگر ختم ہو تو مدینے میں جا کر

مری زندگی کو یہی آرزو ہے

یہ دنیا نہ بہزادؔ کچھ ساتھ دے گی

ارے ہوش کر کن خیالوں میں تو ہے