دہر کے ہادی شاہ_ہدا مالک_کوثر صل_علی

دہر کے ہادی شاہ ہدا مالک کوثر صل علی

وجہ بنائے الا اللہ ختم پیمبر صل علی

آپ سے بڑھ کر کوئی نہیں آپ سے بہتر کوئی نہیں

سب سے ہیں افضل اور برتر سب سے ہیں بہتر صل علی

مظہر ذات رب علا مرکز چشم و فکر و رسا

پشت پناہ ہر دوسرا شافع محشر صل علی

آپ کی ہے ہر سو تنویر کیا قمر کیا مہر منیر

آپ کی ہے تابانی سے دہر منور صل علی

بطحا کی ہے حسرت بہزادؔ رہتا ہوں ہر دم ناشاد

رہتا ہے اکثر لب پہ درود کہتا ہوں اکثر صل علی