خواجۂ_دوسرا محمدؐ ہیں

بہزاد لکھنوی

خواجۂ دوسرا محمدؐ ہیں

سب کے مشکل کشا محمدؐ ہیں

حق کو دیکھا انہیں اگر دیکھا

حق یہ ہے حق نما محمدؐ ہیں

فہم سے ہے بلند ان کی ذات

یہ نہ پوچھو کہ کیا محمدؐ ہیں

اسم اعظم سے ان کا اسم شریف

ہر مرض کی دوا محمدؐ ہیں

سوچنے والے کیا خبر تجھ کو

کب خدا سے جدا محمدؐ ہیں

ان پہ صدقے نہ کیوں ہو چشم خیال

مرکز اولیا محمدؐ ہیں

خانۂ دل میں میرے اے بہزادؔ

حضرت مصطفیٰ محمدؐ ہیں

Click on the INTERESTING button to view additional information associated with this sher.

Don’t remind me again

OKAY

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

This ghazal contains ashaar not published in the public domain. These are marked by a red line on the left.

Don’t remind me again

OKAY