Font by Mehr Nastaliq Web
Sufinama

برگزیدہ بندۂ رحماں علی کا لاڈلا

صدام حسین نازاںؔ

برگزیدہ بندۂ رحماں علی کا لاڈلا

صدام حسین نازاںؔ

MORE BYصدام حسین نازاںؔ

    دلچسپ معلومات

    منقبت در شان حضرت امام حسین (کربلا-عراق)

    برگزیدہ بندۂ رحماں علی کا لاڈلا

    لخت قلب صاحب قرآں علی کا لاڈلا

    دین محبوب خدا میں تاکہ آ جائے بہار

    کربلا میں ہو گیا قرباں علی کا لاڈلا

    اپنے کندھوں پر بٹھاتے ہیں رسول ہاشمی

    سوچیے ہے کس قدر ذیشاں علی کا لاڈلا

    جا ملا رب العلیٰ سے اور رسول پاک سے

    پڑھتے پڑھتے نیزے پر قرآں علی کا لاڈلا

    رنج و غم سے چور ہے پر سب کو آتا ہے نظر

    اللہ اللہ کس قدر فرحاں علی کا لاڈلا

    حالت سجدہ میں قرباں ارض کربل میں ہوا

    حضرت بی فاطمہ کی جاں علی کا لاڈلا

    کربلا ہے نام اس کا نور افشاں ہے جہاں

    نیر تاباں مہ تاباں علی کا لاڈلا

    جس کی بو محسوس کرتے ہیں شہنشاہ زمن

    ہے جناں کا ایسا اک ریحاں علی کا لاڈلا

    نوجواں بیٹے کے لاشے کو اٹھا کر گود میں

    صبر کا تھامے رہا داماں علی کا لاڈلا

    مجھ سے عاصی کو سنائے گا اے نازاںؔ حشر میں

    دیکھنا تم مژدۂ غفراں علی کا لاڈلا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    بولیے