خدا ملتا ہے حضرت سے جو شاہِ دوجہاں تک ہے

خدا ملتا ہے حضرت سے جو شاہِ دوجہاں تک ہے

عجب اک نور کا عالم زمیں سے آسماں تک ہے

مرے حضرت کا رتبہ کوئی کیا جانے کہاں تک ہے

کہ جس کا عاشق و مداح ربِ دوجہاں تک ہے

جہاں سن لے اذاں ہم نے تو سمجھا آپ آتے ہیں

یہ نام اللہ اکبر آپ کا دونوں جہاں تک ہے

خدارا ایک ساغر اور بھی دیدے مجھے ساقی

کہ جانا ہم کو اس در سے کسی کی آستاں تک ہے

شبِ معراج ہی جاتا ہے بندۂ حق سے ملنے کو

یہ عزت اور پھر ایسی کہ اس کا میہماں تک ہے

خبر ہوتی ہے حضرت ہے حضرت کو جو پڑھتے ہیں درود ان پر

کہاں ہم یاد کرتے ہیں خبر اس کی کہاں تک ہے

وہ ہرجائی تو ہے لیکن کہاں ڈھونڈھوں اسے جاکر

کہ اس سے ملنے جلنے کا کہن کوئی مکاں تک ہے

یہی ہے تار کے صورت اسی کو تار کہتے ہیں

دلِ مضطر مرا تڑپا اثر اس کا وہاں تک ہے

بشیرؔ ایسی غز لکھی کہ اک اک شعر کو تیرے

سنا جس نے وہ چینخ اٹھا اثر اس کا یہاں تک ہے