بے_مثل ہے تو ہیں ترے انداز نرالے اے آگرے والے

بے مثل ہے تو ہیں ترے انداز نرالے اے آگرے والے

رخ چاند ہے یہ گیسو ہیں اس چاند کے ہالے اے آگرے والے

طوفان ہے دریا میں بپا رات ہے تاریک گن ٹوٹ گئے ہیں

یہ کشتئ دل اب تو ہوئی تیرے حوالے اے آگرے والے

آوارہ و سرگشتہ ہوں صحرائے طلب میں رستہ مجھے بتلا

طاقت نہ رہی پاؤں میں تلوں میں ہیں چھالے اے آگرے والے

افسوس کہ غفلت میں کٹی ساری جوانی اب مرنے کی ٹھانی

لللہ دم آخر میری بگڑی کو بنا لے اے آگرے والے

گرنے کو ہے اب چاہ بلا میں ترا اکبرؔ ہے مضطر و ششدر

تو ہی نہ سنبھالے گا تو پھر کون سنبھالے اے آگرے والے