اے میرے دریا_دل ساقی میر_مے_خانہ عبدالحق

اے میرے دریا دل ساقی میر مے خانہ عبدالحق

اپنے مے خواروں کا صدقہ بھر دے پیمانہ عبدالحق

مہر ذرہ پرور تم ہو ہر دل میں ضیا گستر تم ہو

تم شمع بزم پیمبر ہو عالم پروانہ عبدالحق

اے مرشد کامل ہادی دیں اے محی الدین و معین الدین

اے قطب جہاں شیخ عالم مخدوم زمانہ عبدالحق

پھرتا ہوں مصیبت کا مارا صدموں سے ہے دل پارہ پارہ

تم ہی نہ سنو تو کون سنے میرا افسانہ عبدالحق

جو در پہ تمہارے آتا ہے منہ مانگی مرادیں پاتا ہے

بیدمؔ کے بھی حال زار پہ ہو شاہانہ عبدالحق