یہ مقام فکر ایسا ہے ثنا ممکن نہیں

یہ مقام فکر ایسا ہے ثنا ممکن نہیں

ہر بشر جانے نبی کا مرتبہ ممکن نہیں

ہے رسول پاک جسمیں آپ کا عکسِ جمیل

کم ہو اس آئینہ دل کی جلا ممکن نہیں

اک اچٹتی سی نظر ہو جائے جس کے حال پر

وہ رہے محرومِ الطاف و عطا ممکن نہیں

اک اشارے پر سنور جائے نظام کائنات

آپ اگر چاہیں مرے آقا تو کیا ممکن نہیں

معتبر کر لوں گا اک دن اپنی آنکھوں کو حضور

روضۂ اقدس نہ دیکھوں آپ کا ممکن نہیں

ہر دعا میں گرو سیلہ آپ کا شامل رہے

عبد میں معبود میں ہو فاصلہ ممکن نہیں

بخشوا لیں گے نہ جب تک ساری امت کو حزیںؔ

مطمئن ہوں گے محمد مصطفیٰ ممکن نہیں