لوگ کیا جانیں کہ کیا ہے اختیار_فاطمہ

لوگ کیا جانیں کہ کیا ہے اختیار فاطمہ

ہے زمیں سے آسماں تک تابع دار فاطمہ

اپنی بخشش کے لیے تم جاؤ تو اوروں کے در

تم کو آنا ہی پڑے گا پھر دیار فاطمہ

آپ کی آمد پہ ہوتے ہیں کھڑے خود مصطفیٰ

اس سے دنیا جان لے کیا ہے وقار فاطمہ

بادشاہی سرفرازی یا وہ جنت بخش دیں

چاہیں جو کر دے عطا ہے اختیار فاطمہ

اس سے بڑھ کر کوئی چاہت اب مجھے ہے ہی نہیں

اور وہیں تربت جہاں ہے رہ گزار فاطمہ

دین احمد کے چمن کی زندگی کے واسطے

لٹ رہا ہے دشت میں باغ بہار فاطمہ

گھوم لو دنیا ضیاؔ تم دیکھ لو سچائی کو

اس کے تابع سب ہیں جو ہے تابع دار فاطمہ