مہکتی ہے کیوں جب یہ پوچھا ہوا سے

مہکتی ہے کیوں جب یہ پوچھا ہوا سے

کہا آ رہی ہوں در مصطفیٰ سے

مخاطب رہا ایک شب جو خدا سے

اسی کا گدا ہوں اسی کی عطا سے

مجھے دو جہاں میں فقط اک اشارہ

یہاں مصطفیٰ سے وہاں مصطفیٰ سے

سر حشر رسوائیوں سے بچانا

یہی التجا ہے حبیب خدا سے

چمک خانقاہوں کی یوں ہی نہیں ہے

جڑا تار ان کا شہ انبیاء سے

کہا جاؤ رب نے وہاں سے بھی لے لو

کرم بٹ رہا ہے در مصطفیٰ سے

ضیاؔ ایک تو ہی نہیں ہے جہاں میں

ہر اک شئے ہے روشن نبی کی ضیا سے