جو عشق_محمد میں خود کو قربان خدایا کرتے ہیں

جو عشق محمد میں خود کو قربان خدایا کرتے ہیں

واللہ محمدؐ خود ان پر جلوہ فرمایا کرتے ہیں

جو عشق محمد میں فانی دنیا کی نہ پرواہ کرتے ہیں

وہ اپنا نشیمن خلد بریں میں خوب بنایا کرتے ہیں

جو عشق محمد میں خود کو دیوانہ بنایا کرتے ہیں

وہ دونوں جہاں کو یوں اپنا دیوانہ بنایا کرتے ہیں

جو عشق محمد کو دل میں بس اپنے بسایا کرتے ہیں

محبوب محب یکجا ہو کر اس دل میں سمایا کرتے ہیں

جو عشق محمد کو اپنے جینے کا سہارا کرتے ہیں

قربان محمدؐ پر ان کے نازوں کو اٹھایا کرتے ہیں

جو عشق محمد سے دل کو آئینہ بنایا کرتے ہیں

دیدار الٰہی کے پھولوں سے دل کو سجایا کرتے ہیں

جو عشق محمد میں خسروؔ جب سوئے مدینہ چلتے ہیں

اے واعظ ناداں دیکھ ملائک ان پر سایہ کرتے ہیں