مدینہ کی پیاری فضا اللہ اللہ
مدینہ کی پیاری فضا اللہ اللہ
دیارِ حبیبِ خدا اللہ اللہ
جو پہونچا نبی کے مدینہ میں اس کا
نہ پورا ہو کیوں مدعا اللہ اللہ
مرا قبلہ ہے خانۂ کعبہ لیکن
مدینہ ہے قبلہ نما اللہ اللہ
وہ گہوارۂ علم و حکمت کہ جس کا
ہر اک ذرہ ہے دلربا اللہ اللہ
حرم کا ہے منظر عجب روح پرور
مدینہ عجب دل کشا اللہ اللہ
حرم کی ہر اک بات یاد آرہی ہے
صلوٰۃ و سلام و دعا اللہ اللہ
وہ آرام گاہِ نبی جو زمیں ہے
ہے جنت بھی اس پر فدا اللہ اللہ
کلی میرے دل کی کھلی جا رہی ہے
مدینہ سے آئی ہوا اللہ اللہ
بڑی مست ہو کر چلی جا رہی ہے
مدینہ کی جانب صدا اللہ اللہ
ہوئی جس کو الفت مدینہ کی اس کو
ملی دولت بے بہا اللہ اللہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
