تری محبت نے مجھ کو بخشا تلاش_حق کا شعور وارث

تری محبت نے مجھ کو بخشا تلاش حق کا شعور وارث

نہیں تو بد کار مجھ سا کہیے کہاں کا رہتا حضور وارث

نہ تھا میں کچھ واقف شریعت نہ کفر و حق کی تمیز مجھ کو

تری محبت کے صدقے جاؤں عطا کیا ہر شعور وارث

تو ہی بتا مری جان مجھ کو میں کیسے دل سے بھلاؤں تجھ کو

تری محبت میں دل تو دل مری روح بھی ہے پر سکون وارث

نہ خواہش خلد اب ہے دل میں نہ دیر و کعبے کی آرزو ہے

ہو میرا سر اور در تمہارا یہ ہے تمنا ضرور وارث

کسی کو حوروں کی آرزو ہے کسی کو پریوں کی جستجو ہے

میں حشر تک بس تمہیں کو چاہوں ہے میری خواہش حضور وارث

میں ہوں نبیرہ شاہ بیدم فرازؔ میری یہ آرزو ہے

وہ جام دے قبر میں بھی جس کا میں پاؤں ہر دم سرور وارث