ادھر محو_تصور ہوں ادھر دیدار ہو جائے

ادھر محو تصور ہوں ادھر دیدار ہو جائے

کرم اتنا تو مجھ پر اے مرے سرکار ہو جائے

پلا ایسی کہ پی کر مست ہر مے خوار ہو جائے

مے حب شہاب الدین سے سرشار ہو جائے

جو تیری دستگیری نا خدا بن کر سہارا دے

تو موجوں کے تلاطم میں بھی کشتی پار ہو جائے

کمال فیض سے گرداب غم بن جائے خود ساحل

عنایت کی نظر گر ہو تو بیڑا پار ہو جائے

تو پھر ہر داغ عصیاں مہر کی صورت چمک اٹھے

زیارت روئے انور کی اگر اک بار ہو جائے

فریدؔ آسان ہو جائیں ابھی دشواریاں ساری

اگر دل کو تمہارے عشق کا آزار ہو جائے