جو روئے_احمد کے میم کا یہ اٹھا کے میں نے حجاب دیکھا

جو روئے احمد کے میم کا یہ اٹھا کے میں نے حجاب دیکھا

نظر نہ آیا سوا احد کے تماشہ کچھ بے نقاب دیکھا

تمہارے قدموں پہ یا محمدؐ ہمارے تن سے یہ جان نکلے

یہی تمنا ہے دل جلوں کی اسی میں دل کو خراب دیکھا

تمہاری فرقت میں یا محمدؐ ہیں جان و دل بے قرار میرے

خبر مسیحا مریض کی لو کہ اس کو سینہ کباب دیکھا

نقاب رخ پر سے پھر اٹھا دو جمال اقدس ذرا دکھا دو

تڑپ رہا ہے یہ نیم بسمل ہے جب سے روئے جناب دیکھا

نہیں ہے اب طاقت جدائی بڑھی ہے اب حد سے بے قراری

خبر لو غوثیؔ کی یا محمدؐ کہ حال اس کا خراب دیکھا