حل ہر مشکل است کام علی

ہر مشکل کو حل کرنا علی کا کام ہے، کاشفِ مشکلات علی ہی کا نام ہے۔

حق تعالیٰ نے فتح و ظفر کی کنجی علی کے دست اہتمام میں دے دی ہے۔

در خیبر اکھیڑ دیا اور مرحب کو قتل کر ڈالا، دیکھ لو، علی کا دبدبہ کیسا ہے۔

ہر منافق اور کافر کے سرپر علی کی ذوالفقار ایک کوندتی ہوئی بجلی ہے۔

آپ حضرت رسول خدا کے چچا زاد بھائی اور حضرت فاطمہ کےشوہر ہیں، حضرت علی کا مقام ہرولی کے مقام سے بلند ہے۔

نماز، زکوٰۃ، حج اور روزے میں کوئی شخص علی کا مقابلہ نہیں کر سکتا۔

جس نے جام علی سے شراب پی، وہ سربسر دریائے وحدت میں ڈوب گیا۔

آپ کا فیض کسی کے لیے مخصوص نہیں ہے، حضرت علی کے فیضِ عام میں سارا عالم غرق ہے۔

یہ عاجزؔ کمترین غلام علی ہے، صدقِ دل اور خلوص محض سے آپ کا مداح ہے۔