تجھ بن بھی کیا میں نے خوش تلخیٔ ہجراں کو

تجھ بن بھی کیا میں نے خوش تلخیٔ ہجراں کو

دیدار کی شربت سے بدخو نہ کیا جاں کو

دل الجھے ہیں کل شب کیا گیسو کے سنورنے سے

اب جیت لے آخر دم ہر قلب پریشاں کو

ہر دل ہے ترے پیچھے جس سمت بھی تو جائے

گو خلق کی آنکھیں ہیں نظارۂ سلطاں کو

بدبخت مرا دل تو دیوانہ بتوں کا ہے

یا رب تو یہ دل دیجو ہندو نہ مسلماں کو

کہتے ہیں حسینوں سے بدنام ہوا خسرو

سنتا نہیں دل خسرو کیا کیجیے فرماں کو