نور_ذات_منزہ حبیب_خدا مصطفیٰ مصطفیٰ مصطفیٰ مصطفیٰ

نور ذات منزہ حبیب خدا مصطفیٰ مصطفیٰ مصطفیٰ مصطفیٰ

مرتبت آپ کی شان رب العلا مصطفیٰ مصطفیٰ مصطفیٰ مصطفیٰ

ذات حق کو کسی نے بھی دیکھا نہیں اس کے اجمال کوئی بھی پایا نہیں

آپ کی ذات میں اس کا نور علا مصطفیٰ مصطفیٰ مصطفیٰ مصطفیٰ

ابتدا آپ سے انتہا آپ سے ہیں ازل تا ابد اس کی جولانیاں

زلف واللیل ہیں چہرہ ہے والضحا مصطفیٰ مصطفیٰ مصطفیٰ مصطفیٰ

جب کہ معراج میں آپ مطلوب تھے حق کی مہمانی پر آپ منسوب تھے

قاب قوسین پر راز یہ کھل گیا مصطفیٰ مصطفیٰ مصطفیٰ مصطفیٰ

آپ کی ذات میں جلوۂ طور ہے سر سے پاؤں تلک نور ہی نور ہے

مقصد اینما سر انت انا مصطفیٰ مصطفیٰ مصطفیٰ مصطفیٰ

کوئی دیکھے ذرا رتبۂ ذی وقار جس کے تم ہو گئے اس کا پروردگار

ہے رضامندیٔ رب تمہاری رضا مصطفیٰ مصطفیٰ مصطفیٰ مصطفیٰ

غیب داں وہ ہیں ان پر ہے سب کچھ عیاں تیری بگڑی بنائیں گے میرے نبی

ورد لب ہو وظیفہ یہ ساغرؔ سدا مصطفیٰ مصطفیٰ مصطفیٰ مصطفیٰ