دل میں یاد_مصطفیٰؐ ہے سر میں سودا غوث کا

دل میں یاد مصطفیٰؐ ہے سر میں سودا غوث کا

میری ہر ہر سانس کرتی ہے وظیفہ غوث کا

گیارہویں جس نے بھی کی جھنڈا چڑھایا غوث کا

حق نوازے گا اسے پا کر وسیلہ غوث کا

بخشوائیں گے غلاموں کو یقیناً حشر میں

دوستو کونین میں چلتا ہے سکہ غوث کا

دیکھ کر ان کی کرامت ہو گیا حیرت زدہ

صدق دل سے ہو گیا شیدا زمانہ غوث کا

حشر میں لوٹے گا وہ تسنیم و کوثر کا مزہ

نام لے کر جس نے بھی ساغرؔ اٹھایا غوث کا