ہردل میں احترام تھا حضرت بلال کا

ہر دل میں احترام تھا حضرت بلال کا

اونچا بہت مقام تھا حضرت بلال کا

حبشی نژاد تھے مگر اُم القریٰ کے پاس

پیدائشی مقام تھا حضرت بلال کا

ظلم و ستم، اذیتیں سہتے رہے

ذکر خداہی کا تھا حضرت بلال کا

کہتا اُمیہ رب ترا عزی ہے کہہ مگر

احد کا ہی کلام تھا حضرت بلال کا

سردار ہیں بلال یہ فرماتے تھے عمر

کتنا بڑا مقام تھا حضرت بلال کا

درویشی اور فقر میں کی ساری زندگی

معمول صبح و شام تھا حضرت بلال کا

دیتے اذاں تو باندھتے تھے خاص اک سماں

کیا لحن، کیا کلام تھا حضرت بلال کا

بعد وصال نبوی یہ خولان جابسے

کچھ سال واں قیام تھا حضرت بلال کا

پایا وصال آپ نے ہادیؔ دمشق میں

وہ آخری مقام تھا حضرت بلال کا