شہر نبی سے آئے ٹھنڈی ہوا ہمیشہ

شہر نبی سے آئے ٹھنڈی ہوا ہمیشہ

جس سے رہے معطر ساری فضا ہمیشہ

کیوں کر پھرے گا خالی در سے ترا سوالی

خیرات لے رہے ہیں شاہ و گدا ہمیشہ

یہی دل کی ہے تمنا مل جائے گر کہیں سے

رہے سجدہ گاہ میری ترا نقش پا ہمیشہ

ادرِک لنا حبیبی وانصر لنا طبیبی

کرتے ہیں یہ وظیفہ تیرے گدا ہمیشہ

جن کو مرے نبی نے کملی میں لے لیا ہے

رہتے ہیں دور ان سے رنج و بلا ہمیشہ

تیرے جلیلؔ کی ہے ادنیٰ سی یہ گزارش

اپنی نظر میں رکھنا یا مجتبٰی ہمیشہ