آ گیا ہے چین دل کو در تمہارا دیکھ کر
آ گیا ہے چین دل کو در تمہارا دیکھ کر
بجھ گئی ہے تشنگی روضہ پیارا دیکھ کر
مرحبا ہر اک زباں پر آ گیا بے ساختہ
آمنہ بی بی تری آنکھوں کا تارا دیکھ کر
محوِ حیرت تھیں قبیلہ سعد کی سب دائیاں
اے حلیمہ سعدیہ تیرا دلارا دیکھ کر
قبر میں مشکل بنی تھی آئے جب منکر نکیر
ہو گئی دل کو تسلی پھر سہارا دیکھ کر
در پہ چشمِ نم کھڑے تھے مانگنے والے سبھی
ہوگئے وہ مہرباں دامن پسارا دیکھ کر
کیف میں ڈوبے ہوئے ہیں آپ کے در پر کھڑے
اوج پر اپنے مقدر کا ستارا دیکھ کر
تھے پریشاں حشر میں اپنے گناہوں کے سبب
آ گئے پھر آپ ہم کو بے سہارا دیکھ کر
کون چاہے گا وہاں سے لوٹ کر آنا جلیلؔ
گنبدِ خضریٰ کا وہ دلکش نظارا دیکھ کر
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
