اللہ اللہ منزل_عز_و_قار_فاطمہ

اللہ اللہ منزل عز و قار فاطمہ

چومی حوران جناں نے رہ گزار فاطمہ

ہے بظاہر سادہ سی قبر منور آپ کی

آج بھی محلوں سے اونچا ہے دیار فاطمہ

آیت تطہیر نازل کر کے رب نے دہر میں

مومنوں پر کر دیا ظاہر وقار فاطمہ

سر لعینوں کے اچھلتے آئیں گے ہر سو نظر

آ رہا ہے سوئے مقتل شہسوار فاطمہ

کربلا اب تو بتا ہے کتنے پھولوں کی طلب

لٹ رہا ہے دشت میں باغ بہار فاطمہ

فضل رب سے ابن زہرا دین پر قرباں ہوئے

ہے شریعت تب سے اب تک قرض دار فاطمہ