تم جو کہتے ہو لا_مکان ہے یہ

تم جو کہتے ہو لا مکان ہے یہ

میرے محبوب کا مکان ہے یہ

جلد سودا خریدئے آکر

حضرت عشق کی دکان ہے یہ

جس کو سب ذوق و شوق کہتے ہیں

گنج الفت کا راز دان ہے یہ

پاؤں رکھیو سنبھال کر اے دل

میری دلبر کا آستاں ہے یہ

زاہد میں نے پی شراب نہیں

نشۂ عشقکان نشا ہے یہ

فی الحقیقت ہے دفتر عشاق

کون کہتا ہے داستان ہے یہ

کیجیے شوق سے سلام ادب

شاہ اجمیر کا مکان ہے یہ

لوگ جس کو حبیبؔ کہتے ہیں

در جاناں کا داربان ہے یہ