اے خالقِ دوعالم ہر سمت تو ہی تو ہے

اے خالقِ دوعالم ہر سمت تو ہی تو ہے

جلوہ ہر ایک شئے میں تیرا ہی چار سو ہے

تو رونق چمن ہے تو زینت گلستاں

غنچے میں تیری رنگت پھولوں میں تیری بو ہے

بلبل ہوچاہے قمری کوئل ہو یا پپیہا

ہر ایک کی زباں پر گلشن میں تو ہی تو ہے

دیر وحرم میں تجھ کو کیسے بھلا میں ڈھونڈھوں

تو جان آروزو جب زیب رگِ گلو ہے

در پر انہیں کے جامیؔ یہ جان تن سے نکلے

آنکھوں کا ہے یہ ارماں دل کی یہ آرزو ہے