تاجدار_حرم ہو نگاہ_کرم
قسمت میں مری چین سے جینا لکھ دے
ڈوبے نہ کبھی میرا سفینا لکھ دے
جنت بھی گوارا ہے مگر میرے لئے
اے کاتب تقدیر مدینہ لکھ دے
تاجدار حرم ہو نگاہ کرم
ہم غریبوں کے دن بھی سنور جائیں گے
تاجدار حرم ہو نگاہ کرم
چشم رحمت بکشا سوئے من انداز نظر
اے قریشی لقبی ہاشمی و مطلبی
تاجدار حرم ہو نگاہ کرم
یا رسول اللہ باحوال خیال ما بیں
روبپا افتادہ ام از شرم عصیاں را متیں
بحر می چوں من نباشد در تمامی امتت
رحم کن بر حال ما یا رحمت اللعالمیں
تاجدار حرم ہو نگاہ کرم
کا تم سے کہوں اے عرب کے کنور تم جانت ہو من کی بتیاں
درد فرقت تو اے امی لقب کاٹے نہ کٹت ہے اب رتیاں
توری پریت میں سدھ بدھ سب میری کب تک یہ رہے گی بے خبری
گاہے بہ فگن دزدیدہ نظر کبھی سن بھی لو ہمری بتیاں
تاجدار حرم ہو نگاہ کرم
تاجدار حرم ہو نگاہ کرم ہم غریبوں کے دن بھی سنور جائیں گے
حامیٔ بیکساں کیا کہے گا جہاں آپ کے در سے خالی اگر جائیں گے
کوئی اپنا نہیں غم کے مارے ہیں ہم آپ کے در پہ فریاد لائے ہیں ہم
ہو نگاہ کرم ورنہ چوکھٹ پہ ہم آپ کا نام لے کے مر جائیں گے
مے کشو آؤ مدینے چلیں آو مدینے چلیں آؤ مدینے چلیں
دکھ درد و الم سب چھٹتے ہیں حسنین کے صدقے بٹتے ہیں
مدینے چلیں آؤ مدینے چلیں
تجلیوں کی عجب ہے فضا مدینے میں
نگاہ شوق کی انتہا ہے مدینے میں
غم حیات نہ خوف فضا مدینے میں
نماز عشق کریں گے ادا مدینے میں
ادھر ادھر نہ بھٹکتے پھرو خدا کے لئے
براہ راست ہے راہ خدا مدینے میں
مدینے چلیں آؤ مدینے چلیں
مے کشو آؤ مدینے چلیں دست ساقیٔ کوثر سے پینے چلیں
یاد رکھو اگر اٹھ گئی اک نظر جتنے خالی ہیں سب جام بھر جائیں گے
خوف طوفان ہے بجلیوں کا ہے ڈر سخت مشکل ہے آقا کدھر جائیں گے
آپ ہی گر نہ لیں گے ہماری خبر ہم مصیبت کے مارے کدھر جائیں گے
- کتاب : Pakistani Qawwalian (Pg. 18)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.