ہر اک مشکل میں کام آئی دہائی میرے مولیٰ کی
دلچسپ معلومات
منقبت درشان حضرت مولیٰ علی (نجف۔عراق)
ہر اک مشکل میں کام آئی دہائی میرے مولیٰ کی
عجب کچھ ڈھب کی ہے مشکل کشائی میرے مولیٰ کی
خرد نے سو طرح صورت دکھائی میرے مولیٰ کی
سمجھ میں شان پھر بھی کچھ نہ آئی میرے مولیٰ کی
ہر اک حد تعین سے علی کی شان اعلیٰ ہے
عیاں خود نام ہی سے ہے بڑائی میرے مولیٰ کی
نہ جانے عالم تکوین میں کس کس کو رشک آیا
محبت میرے حصے میں جب آئی میرے مولیٰ کی
یہ حق کے ساتھ رہتے ہیں حق ان کے ساتھ رہتا ہے
نہیں ممکن کبھی حق سے جدائی میرے مولیٰ کی
امامِ دو جہاں ہیں مقتدائے جانِ پاکاں ہیں
مبارک پاک بازو پیشوائی میرے مولیٰ کی
محمد جس کے مولیٰ ہیں علی بھی اس کے مولیٰ ہیں
بتاؤ تو یہ عظمت کس نے پائی میرے مولیٰ کی
انہیں سے اہل عرفاں زندگی محسوس کرتے ہیں
دلوں کی موت ہے دم بھر جدائی میرے مولیٰ کی
محی الدین معین الدین بہاؤ الدین شہاب الدین
کئی ناموں سے ہے جلوہ نمائی میرے مولیٰ کی
نگاہ شوق نے کاملؔ عبادت کے مزے لوٹے
نظر کے سامنے صورت جب آئی میرے مولیٰ کی
- کتاب : سرودِ روحانی (Pg. 163)
- Author : Meraj Ahmed Nizami
- اشاعت : Second
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
