جو نصیب ہو تو شمار ہو یہ نیاز مایہ ناز میں

جو نصیب ہو تو شمار ہو یہ نیاز مایہ ناز میں

کہ لگی ہو خاک در حضور مری جبین نیاز میں

کہیں لعل ہے تو کہیں گہر، کہیں شمس ہے تو کہیں قمر

یہ اسی کا حُسن ہے جلوہ گر جو نہاں ہے پردہ راز میں

تری ذات شانِ کمال رب، ترا حسن ہے وہ مہ عرب

کہ سوئی سے شئے ملی وقت شب ترے اک تبسم ناز میں

رخ مصطفیٰ ہے وہ آئینہ کہ اب ایسا دوسرا آئینہ

نہ ہماری بزم خیال میں، نہ دکان آئینہ سازمیں

مجھے کام کیا تھا رکوع سے مجھے ہوش کیا تھا سجود کا

ترے نقش پاکی تلاش تھی ہو جھکا ہوا تھا نماز میں

ترے لطفؔ کی ہے یہ آرزو کہ نہ جائے حشر میں آبرو

مرے پردہ پوش چھپا لے تو اسے اپنے دامن ناز میں