بپا کر کے جلوہ خدا آگئے ہیں
بپا کر کے جلوہ خدا آگئے ہیں
وہ دیکھو رسولِ خدا آگئے ہیں
فرشتے تھے کہتے صلوٰتوں سے ہر جا
وہ سردار کل انبیا آگئے ہیں
چہارم فلک سے نبی کر کے رفعت
سرِ عرشِ نورالہدا آگئے ہیں
سلامی کرو اے فرشتو! نبی کی
زمیں سے بہ عرشِ علا آگئے ہیں
زمانہ کو حضرت رسولِ خداوند
دکھانے خدا کی فضا آگئے ہیں
ذرا آن کی آن میں جا کے واپس
یہ مل حق سے صل علی آگئے ہیں
ہٹاوے محمد کے رخ سے صبا تو
بکھر کر جو گیسو دو تا آگئے ہیں
محمد خداوند سے امت کی خاطر
ہر اک مرض کی لے دوا آگئے ہیں
خدا سے جو تھی مولناؔ بات تیری
محمد وہ بگڑی بنا آگئے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
