میری نگاہ سے دیکھے تو کوئی شان_حسین

میری نگاہ سے دیکھے تو کوئی شان حسین

بلند عرش بریں سے ہے آستان حسین

جہاں میں جب سے فروزاں ہے داستان حسین

زمیں کو ہم تو سمجھتے ہیں آستان حسین

فلک گواہ ہے سر ہو گیا جدا تن سے

مگر قرآن ہی پڑھتی رہی زبان حسین

جو سر کٹا کے دیا ہو راہ محبت میں

وہ بے مثال ہے دنیا میں امتحان حسین

زمین و آسماں شمس و قمر نے دیکھا ہے

کہ حق پہ ہو گیا قربان خاندان حسین

امیر ہو کہ گدا ہو یہ جانتے سب ہیں

کہ بادشاہوں سے بہتر ہے خادمان حسین