یوں بیٹھ کر کوئی پرسان_حال ہے

یوں بیٹھ کر کوئی پرسان حال ہے

اے درد اٹھ کر کہہ دے طبیعت بحال ہے

خود نہ ہو سیر کہیں مجھ کو پھانس کر

دل میں سما کے دل میں اترنا محال ہے

برساؤ تیر مجھ پہ مگر اتنا جان لو

پہلو میں دل ہے دل میں تمہارا خیال ہے

یہ اشک خوں نہیں جو ٹپکتے ہیں آنکھ سے

کچھ ماجرا جگر کا ہے کچھ دل کا حال ہے

بت کہہ دیا جو میں نے تو اب بولتے نہیں

اتنی سی بات سے تمہیں اتنا ملال ہے

پوچھا جو میں نے ان سے کہ تم جانتے ہو جلیلؔ کو

بولے کہ ہاں وہ شاعر نازک خیال ہے