دل میں ہو میرے جائے محمد صلی اللہ علیہ وسلم
دل میں ہو میرے جائے محمد صلی اللہ علیہ وسلم
سر میں رہے سودائے محمد صلی اللہ علیہ وسلم
فرش کی زینت رونق جنت باعث خلقت مظہر وحدت
عرش کی عزت پائے محمد صلی اللہ علیہ وسلم
طور پر پہنچے حضرت موسیٰ چوتھے فلک پر حضرت عیسیٰ
عرش معلیٰ جائے محمد صلی اللہ علیہ وسلم
قبلۂ کعبہ روضہ والا عرش سے اعلیٰ قبر معلیٰ
جان جِناں صحرائے محمد صلی اللہ علیہ وسلم
جن و ملائک حور و غلماں سب ہیں نام پر ان کے قرباں
کون نہیں جویائے محمد صلی اللہ علیہ وسلم
حق نے انہیں بے مثل بنایا پڑتا زمیں پر کیوں کر سایہ
نور خدا اعضائے محمد صلی اللہ علیہ وسلم
جب کہ فرشتے قبر میں آئیں ذکر سوال کا لب پر لائیں
میں یہ کہوں شیدائے محمد صلی اللہ علیہ وسلم
نزع میں تھا بیمار محبت یاد جو آئی ان کی صورت
بر سر بالیں آئے محمد صلی اللہ علیہ وسلم
تاج فترضى سر پر رکھ کر حق نے کہا کہ بروزِ محشر
چاہے جسے بخشائے محمد صلی اللہ علیہ وسلم
قبر سے جس دم سر کو اٹھاؤں ساری مرادیں دل کی پاؤں
دیکھوں رخ زیبا محمد صلی اللہ علیہ وسلم
اہل معاصی پائیں خلاصی دفتر بد دھو ڈالیں عاصی
جوش پہ ہے دریائے محمد صلی اللہ علیہ وسلم
جب گھبرائیں گے عاصی ڈر کر رحمتِ حق یہ کہے گی بڑھ کر
چین کریں شیدائے محمد صلی اللہ علیہ وسلم
خوف ہے گر کچھ روز جزا کا دل میں جما کر نام خدا کا
ورد کرو اسمائے محمد صلی اللہ علیہ وسلم
سن کے نبی کا ذکر ولادت دیکھ کے ان کی رفعت و شوکت
خاک ہوئے اعدائے محمد صلی اللہ علیہ وسلم
ہے یہ دعائے جمیلؔ مضطر حشر کے دن اے داور محشر
سر ہو مرا اور پائے محمد صلی اللہ علیہ وسلم
- کتاب : قبالۂ بخشش (Pg. 160)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
