تمہارا رنگ پھولوں میں تو نزہت ہے بہاروں میں

تمہارا رنگ پھولوں میں تو نزہت ہے بہاروں میں

تمہارے جسم اطہر کی ہے خوشبو لالہ زاروں میں

تمہیں کونین کے سردار ہو شاہ دو عالم تم

ہوا ہے چاند دو ٹکڑے تمہارے ہی اشاروں میں

نبی تشریف لائے دہر میں تو انقلاب آیا

جہاں میں روح آئی جان آئی جاں نثاروں میں

نشاط و شادمانی اور سکوں راحت خوشی فرحت

قرار دل کو بانٹا ہے تمہیں نے بے قراروں میں

ہیں تمثیل دنیا میں نہیں پائی کلیمؔ ان کی

وہ لا ثانی ہیں لاکھوں میں وہ لا ثانی ہزاروں میں