کرم کا وقت ہے حد سے زیادہ ہے پریشانی
دلچسپ معلومات
منقبت در شان غوث پاک شیخ عبدالقادر جیلانی (بغداد-عراق)
کرم کا وقت ہے حد سے زیادہ ہے پریشانی
تو آخر محی الدین المدد یا غوث صمدانی
کسی کی دستگیری کے سہارے جی رہا ہوں میں
میرے دشمن کو ہوگی لغزش پا کی پریشانی
خدا شاہد ہے یہ ہم سے تو اب دیکھی نہیں جاتی
تیرے ہوتے ہوئے تیرے غلاموں کی یہ حیرانی
تری نسبت سے ہر خادم تیرا مخدوم عالم ہے
جو دیوانہ ہے تیرا اس کی سب دنیا ہے دیوانی
محبت نے مرے دامن کو باندھا کس کے دامن سے
میں اک بندہ کمینہ اور وہ محبوب سبحانی
گمان رحمۃ اللعالمیں ان پر نہ کیوں گذرے
وہی نقشہ وہی سج دھج وہی تصویر قرآنی
کہاں پہنچا دیا مجھ کو تیرے داغ غلامی نے
میرے قدموں میں دارائی میری ٹھوکر میں سلطانی
یہی وہ شرک ہے توحید کی ہے جھلکیاں جس میں
وہی محبوب ہے میرا جو ہے محبوب سبحانی
خیال غیر کی آمد کے سارے راستے روکے
تیری نسبت نے وہ پہرے بٹھائے شاہِ جیلانی
مقام قرب تک ان کے رسائی کس کی ممکن ہے
بہت مشکل ہے عرفانِ جناب غوث صمدانی
قسم اللہ کی ان کی عطا کاملؔ کرم کاملؔ
مگر کامل مصیبت ہے خود اپنی تنگ دامانی
- کتاب : وارداتِ کامل (Pg. 108)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.