آرزو ہے کہ خدا جلد دکھائے کلیر

آرزو ہے کہ خدا جلد دکھائے کلیر

دل کو مرغوب ہے کہ کوثرؔ کے فضائے کلیر

پھر نہ ہرگز ہو گلستان جہاں کی خواہش

شیخ صاحب جو کبھی دیکھیں فضائے کلیر

لے چلا شوق اڑاکر مجھے کلیر کی طرف

بھر گئی ہے جو مرے سر میں ہوائے کلیر

دل میں حسرت ہی یہی کوئی چۂ صابر میں رہوں

ہے یہ آنکھوں کی تمنا نظر آئے کلیر

پھر نہ تعریف کرے باغِ جناں کی رضوان

اے فلک مجھ سے جو سن لے وہ ثنائے کلیر

ہجر صابر میں تڑپتا ہوں لبوں پر دم ہے

شاہِ کلیر مجھے اب جلد بلائے کلیر

دل نہ بہلے گا مرا باغ جناں میں کوثرؔ

مرے دل کو تو ہے مرغوب فضائے کلیر