یہاں کی خاک کے ہر ذرے سے نمایاں ہے

یہاں کی خاک کے ہر ذرے سے نمایاں ہے

وہی جو بات بعید از قیاس و امکاں ہے

حضورِ شمع ہو جیسے ہجومِ پروانہ

درِ حضور ہے اور مجمعِ غلاماں ہے

ترے خیال سے فردوسِ در بغل ہوں میں

ترے کرم سے مری ہر نظر گلستاں ہے

نہیں یوں ہی نہیں روشن عقیدتوں کے دیے

کوئی چراغ ہے جس کے لیے چراغ ہے

ادھر بھی ایک نظر میرے چودھویں کے چاند

کہ تجھ میں عکسِ تجلی ماہ فاران ہے

یہاں جو نذر گزاری میں پھول آتے ہیں

بہار اپنی گل افشانیوں پہ نازاں ہے

یہاں تو نقشِ کفِ پائے مصطفیٰ ہے خیالؔ

یہاں تو خیر سے شمع حرم فروزاں ہے