وہ دن پھر آگیا ہے ساقیا میرے مقدر سے

وہ دن پھر آگیا ہے ساقیا میرے مقدر سے

سجا دے آج تو پھر اپنا میخانہ نئے سر سے

وہ سب پی جاؤں گا اترانشہ ہے اک برس بھر سے

تو رکھ دے بھر کے ساقی بارہ پیمانے برابر سے

تجھے ساقی گری پر ناز ہے پھر مجھ سے کیا ہوگا

ترے اک ساغرِ مے کے لیے میری بلا تر سے

پلانا ہی تجھے منظور ہے پی لوں گا میں لیکن

تو پہلے اپنا ساغر دھولے جا کے آبِ کوثر سے

پلا پھر ساقیا جس میں گل تر جس کی خوشبو ہو

وہی مے بارہا جو مس ہوئی زہرا کی چادر سے

وہی مے جس سے حیدر نے بھرا تھا اپنا خم خانہ

وہی مے دے مجھے بنیاد جس کی ہے پیمبر سے

تمنا دل کی ہے سرمہ بنا لوں بدرؔ آنکھوں کا

کہیں مل جائے خاک پائے حیدر جو مقدر سے