گوہر ہے علم کان_جناب_امیر کا

گوہر ہے علم کان جناب امیر کا

اللہ رے رتبہ شان جناب امیر کا

جس نے کہ دم میں قلعہ خبیر گرا دیا

ایک تیر تھا کمان جناب امیر کا

وہ خلد جس پہ حضرت رضواں کو ناز ہے

ہے پھولی گلستان جناب امیر کا

رجعت جو آفتاب نے وقت غروب کی

وابستہ تھا بنان جناب امیر کا

جس کا خدا نے رکھا ہے عرش بریں لقب

زینہ ہے وہ مکان جناب امیر کا

سایہ جس آفتاب کا ہے مشرقین پر

پرچم ہے وہ مکان جناب امیر کا

نعمت کے جس بساط پر رضواں کو ہے گھمنڈ

ہے ایک ریزہ خوان جناب امیر کا

روح الامیں کا قربت حق میں ہے راہبر

کیا رتبہ پاسبان جناب امیر کا

ناموس اہل بیت پہ اے خضر رحم کر

کر خوف عز و شان جناب امیر کا

تم نے جسے حسین سمجھ کر کیا ہے قتل

وہ جان تھا جہان جناب امیر کا

ناصح کی طرح کہتا ہے ناصرؔ بھی فخر سے

بلبل ہوں بوستان جناب امیر کا