مری بس یہی اک دعا ہے خدا سے کہ جا کر مدینہ نہ آؤں میں خالی

مری بس یہی اک دعا ہے خدا سے کہ جا کر مدینہ نہ آؤں میں خالی

مری آخری اک تمنا یہی ہے کہ دیکھوں میں آقا کے روضے کی جالی

مدینے میں میری اگر حاضری ہو تو شہر ادب سے نہ پھر واپسی ہو

اگر واپسی ہو تو پھر حاضری ہو، یہ ہے دل کی خواہش، مناجات عالی

نہ مہتاب میں ہی وہ رونق ملی اور نہ انسان کوئی حسیں ان سے دیکھا

رسولوں میں احسن ہیں آقا ہمارے وہ حسنِ تکلم وہ حسنِ جمالی

مرے دل کی دھڑکن کو کیسے ملے گا سکون اور راحت مدینے سے پہلے

کہ دل میں مدینے کی تصویر ہے اور زباں پہ ہے نعتِ شہنشاہِ عالی

امام الرسل کا لقب پانے والے، وہ سدرہ سے آگے سفر کرنے والے

میں اوصاف ان کے کہاں تک بتاؤں، خدا نے جنہیں بخشی سیرت نرالی

حسیں کس قدر میری تقدیر ہو گی، یہی میرے خوابوں کی تعبیر ہو گی

قدم میرے طیبہ کی جانب بڑھیں گے، زباں پر سجے گی دردوں کی ڈالی

کرو ذکر شایانؔ ان کا ادب سے کہ ملتا ہے انعام دربارِ رب سے

یہ ذکر نبی کی تو برکت ہے دیکھو مجھے لوگ کہتے ہیں شیریں مقالی