لو میری خبر بہر_قمر حضرت_سجاد

لو میری خبر بہر قمر حضرت سجاد

ہو جلد توجہ کی نظر حضرت سجاد

جاتا نہیں اک لحظہ خیال شہ والا

ہے دل میں مرے آپ کا گھر حضرت سجاد

رضواں بھی جو لے جائے تو نہ جاؤں یہاں سے

سر میرا ہے اور آپ کا در حضرت سجاد

ہے کان کرم بہر عطا ذات مبارک

ہو جائے ادھر اک نظر حضرت سجاد

کیوں کر نہ کہوں شمع حریم نبوی میں

ہیں چرخ سیادت کے قمر حضرت سجاد

رکھ لیں گے یہ محشر میں مری آبرو بے شک

ہیں بحر شفاعت کے گہر حضرت سجاد

پہنچائے تا عرش سر عزت سیرداؔ

موجود ہے یہ بندۂ در حضرت سجاد