محمدؐ ہیں عقدہ کشائے_غریباں

محمدؐ ہیں عقدہ کشائے غریباں

وہ بخشائیں گے سب خطائے غریباں

نبی سے ہوئی ابتدائے غریباں

اور ان سے ہی تھے انتہائے غریباں

تہاری بدولت سے خیر الوریٰ سب

جو ایماں کی دولت ہے پائے غریباں

ہوا ہے نہ ہوگا ازل سے ابد تک

محمدؐ سوا رہ نمائے غریباں

تیرے خاک در کی مجھے آرزو ہے

کہ وہ خاک ہے طوطیائے غریباں

مدد آپ کی گر نہ ہوتی محمد

نہ بر آتی ہرگز رجائے غریباں

کیا وصف رب العلیٰ نے تمہارا

رکھے رتبہ کیا پھر سنائے غریباں

ہے استادگی کل کی ان کی بدولت

ہے نام محمد عصائے غریباں

ہے اسم مبارک سے حضرت کے بے شک

مقرر ہے ٹلنی بلائے غریباں

ترحم تمہارا ہی ہے فخر آدم

مریضوں کو بس ہے دعائے غریباں

ہوئے عاصیوں کے ہیں حامی ازل میں

محمدؐ جو ہیں پیشوائے غریباں

مدینہ ہے دارالشفائے غریباں

ہے اس جا کی شئے دوائے غریباں

حمایت کو امت کی روز جزا میں

ہے ملجا و ماویٰ برائے غریباں

شفاعت کی خاطر شفیع الوار کو

یقیں دل سے ہیں آزمائے غریباں

بجز مصطفیٰ کے کسے پاس ہرگز

نہیں ہے قیامت میں جائے غریباں

ابوبکر عمر اور عثمان بے شک

چہارم علی پیشوائے غریباں

تو بخشے نہ بخشے ہمیں پیر مسکیں

ترے آستاں پر ہیں آئے غریباں