مئے_باقی اگر ساقی پلا جاتا تو کیا ہوتا

مئے باقی اگر ساقی پلا جاتا تو کیا ہوتا

مزہ عشق محمد کا چکھا جاتا تو کیا ہوتا

محب محبوب میں رکھا فرق کیوں رنگنے والے نے

اگر ہم رنگ دونوں کو رنگا جاتا تو کیا ہوتا

چھپایا عشق دلہن کا کیا اظہار نوشہ کا

مثل دولہن اگر دولہا بنا جاتا تو کیا ہوتا

وہ دولہا کیا محمدؐ ہیں یہ دلہن مثل کعبہ کے

اگر دلہن کے گھر دولہا خود آ جاتا تو کیا ہوتا

مکان لا مکاں پر لے گیا تھا کیا شب معراج

وہی شب گشت پھر دن کو پھرا جاتا تو کیا ہوتا

ازل سے لے ابد تک ہے وہی جلوہ محمدؐ کا

ذرا بھی دیدہ یہ دل کا کھلا جاتا تو کیا ہوتا

نقاب ناز ڈالا کیا برائے عاشقاں رخ پر

دوئی کا پردہ اے جاناں اٹھا جاتا تو کیا ہوتا

ارے ملاح لے آ کشتی مدینہ کو لے جا جلدی

ابھی لنگر یہ کشتی کا اٹھا جاتا تو کیا ہوتا

وہی ہے کعبۂ ربی کہاں ہے رابعہ بصری

اگر کعبہ خود استقبال آ جاتا تو کیا ہوتا

وہی ہے یوسف کنعان کہاں عاشق زلیخا ہاں

رخ یوسف سے گر مقنع اٹھا جاتا تو کیا ہوتا

وہی برد یمانی ہے کہاں اب ویس کرنی ہے

ہر ایک کے تن اوپر حلہ پہنا جاتا تو کیا ہوتا

وہی ہے خانۂ کعبہ کہاں ہیں اب رسول اللہ

فراق یار میں آنسو بہا جاتا تو کیا ہوتا

کف پا خاک مسکین شاہ تو کر کحل البصر اپنا

مثل سرمہ کے قربت میں پسا جاتا تو کیا ہوتا

عمر بھر انتظاری میں گزر گیے آہ محمودا

لب شیریں سے اپنے لب ملا جاتا تو کیا ہوتا