میں اور میری جان_نثارِ_ابوالعلا

میں اور میری جان نثار ابوالعلا

یہ سر ہو اور سنگ مزار ابوالعلا

آنکھوں میں پھر رہی ہے وہ تربت شبانہ روز

ہے دل میں عاشقوں کے مزار ابوالعلا

بت کی کیاریاں اسے جاگیر میں ملیں

جس کو ملا جوار مزار ابوالعلا

ہے میرے دل میں نور محبت کی روشنی

روشن ہے اس میں شمع مزار ابوالعلا

کس سے بیاں ہو جلوۂ شب لطف روز عرس

یہ روز و شب ہیں لیل و نہار ابوالعلا

نور نگاہ مصطفوی کا ہے کیا جمال

ہے مہر و ماہ آئینہ دار ابوالعلا

ان کو عذاب حشر سے اکبر ملی نجات

ناجی ہیں زائران مزار ابوالعلا